Intro
Amharisk • አማርኛ

የእረፍት ጊዜ ዓሣ ማጥመድ

©Kjell-Erik Moseid/Samfoto©Kjell-Erik Moseid/Samfoto

በዘንግ ዓሣ ማጥመጃ የሚደረግ ዓሣ ማጥመድ ሥራ (angling) በእረፍት ጊዜያችን ለመዝናናት የምናደርገው የዓሣ ማጥመድ ዓይነት ነው። አብዛኞቹ ዓሣ አጥማጆች ለእራሳቸው እና ለቤተሰባቸው ምግብ ብቻ በማለት የሚያጠምዱ እንጂ ገንዘብ ለማግኘት ብለው የሚያጠምዱ አይደሉም።

ለአካለ መጠን ከደረሰው የኖርዌይ ሕዝብ መካከል ግማሽ የሚያክለው በዓመት ውስጥ አንዴ ወይም ከአንድ ጊዜ በላይ ዓሣ ያጠምዳል። ለማነፃፀር ከልጆች እና ወጣቶች 80 በመቶ የሚሆኑት ዓሣ ያጠምዳሉ። በወንዞች እና ባህሮች የምንይዛቸው ዓሳዎች ለምግብነት ያለፍርሃት መጠቀም እንችላለን።

ዓሣ ለማጥመድ ከመሄዳችን በፊት ዓሣ ማጥመድን በተመለከተ የተቀመጡ ሕጎች እና መመሪያዎችን ማወቅ አለብን። ዓሣ ማጥመድ ከመጀመራችን በፊት መክፈል ያለብን ሁለት ዓይነት ክፍያዎች አሉ። እነዚህ ክፍያዎች ለአገራዊ የዓሣ ማጥመድ እና የዞን ዓሣ ማጥመድ ፈቃድ ወረቀት ለመግዛት ናቸው። እነዚህ ክፍያዎች ወንዞች፣ ሐይቆች እና አነስተኛ የውሃ አካላት ላይ የሚደረግ የዓሣ ማጥመድ ሥራን የሚመለከቱ ብቻ ናቸው። ባሕር ላይ የሚፈፀም ዓሣ ማጥመድ ተግባር ግን ሁሉም ሰው በነፃ ማጥመድ ይቻላል። ዓሣ ማጥመድን በተመለከተ በድሕረገጽ ክፍል የሚገኝ መረጃን ማንበብ ትችላላችሁ።

ዓሣ የማጥመድ አገራዊ ፈቃድ (የዓሣ ማጥመድ ክፍያ)

ሳልመን የሚባል ዓሣ በሚገኝባቸው ወንዞችና የውሃ አካሎች ዓሣ ማጥመድ የሚፈልጉ ዕድሜያቸው ከ16 ዓመት በላይ የሆኑ ስዎች ዓሣ የማጥመድ አገራዊ ፈቃድ ከመንግስት መግዛት አለባቸው። ባህር ውስጥ የሚገኙ ሳልመን፣ የባህር አይነት ዓሣ(ሾሬት) ወይም ሾሮየ የሚባሉ ዓሣዎችን ለማጥመድ ስንፈልግና ዘንግ ማጥመጃ ለመጠቀም ስንፈልግ ዓሣ የማጥመድ አገራዊ ፈቃድ መግዛት አያስፈልገንም። ጨዋማ ባህር ውስጥ የሚገኙ ዓሣዎችን በዘንግ ወይም በእጅ በሚይያዝ ስልክ በሚመስል ዓሣ ማጥመጃ የምንጠቀም ከሆነም ዓሣ የማጥመድ አገራዊ ፈቃድ አያስፈልግም። እድሜያቸው ከ16 አመት በታች የሆኑ ልጆችና ወጣቶች ዓሣ የማጥመድ አገራዊ ፈቃድ መግዛት አያስፈልጋቸውም።

ዓሣ የማጥመድ አገራዊ ፈቃድ ለማግኘት በፖስታ ጽ/ቤት ወይም ባንክ ሄደን በመክፈል ልዪ ቼኮችን (ሺሮ) መግዛት እንችላለን። እዚህም መክፈል እንችላለን። ደረስኛችሁን ማስቀመጥ አትርሱ!

የዓሣ የማጥመድ አገራዊ ፈቃድ ክፍያን በቀጥታ ለሚከተለው መክፈል ይቻላል፦

ለተፈጥሮ አስተዳደር ዳይሬክተር, 7485 ትሮንድሃይም

የባንክ ሂሣብ ቁጥር፡ 7694.05.02620

በደረስኙ ላይ ፊርማችሁን ስታኖሩ ዓሣ የማጥመድ አገራዊ ፈቃድ ሕጋዊ ይሆናል።

ዓሣ የማጥመድ አገራዊ ፈቃድ በድህረ ገፅ (ቀጥታ መስመር) መግዛትም ትችላላችሁ።

ዓሣ የማጥመድ የዞን ወረቀት ፈቃድ

በወንዞችና ኩሬዎች ውስጥ የሚገኙ ጨው የሌለበት ውሃ ውስጥ የሚኖሩ አሳዎችን፣ ክረውፊሽን፣ የባህር ትሩውትን እና የባህር ሻርክን የማጥመድ መብት ለመሬት ባለቤቱ የተጠበቀ ነው። ይህ ማለትም መብቱ ለወንዙ ባለቤት የተጠበቀ ነው። እዚህ ቦታ በሕጋዊ መንገድ ዓሣ ለማጥመድ ከፈለግን እንደሆነ የዞን ፈቃድ መግዛት ይኖርብናል። ዓሣ የማጥመድ የዞን ፍቃድን ለመግዛት የፈለገ ሰው ከመሬት ባለቤቶች በሚገኙት የስፓርት ድንኳኖች፣ ከመረጃ ጽ/ቤቶች፣ ከድንኳን በሚታከልባቸው ቦታዎች (ካምፒግ) እና ወዘተ መግዛት ይችላል።

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no