Intro
Amharisk • አማርኛ

ወደ ገጠር ቦታዎች (Allemannsretten) የመጓዝ መብት

©Tore Wuttudal/Samfoto©Tore Wuttudal/Samfoto

ወደ ገጠር ቦታዎች (Allemannsretten) የመጓዝ መብት ገጠር ውስጥ በእግር በመሄድ መጓዝ እና ድንኳን ተክለን (ካምፒንግ) ግዜያችንን እንድናሳልፍ መብት ይሰጠናል። ወደ ገጠር ቦታዎች የመጓዝ መብት ኖርዌይ ውስጥ ለሚደረጉ የመዝናናት ሥራዎች አስፈላጊ ነው። ወደ ገጠር አካባቢዎች የመጓዝ መብት በጫካዎች እና በተራሮች በእግር ለመጓዝ በበጋ ወቅት ወደ ጫካዎች በመሄድ ለመንሸራሸር እንዲሁም በብስክሌት ለመንቀሳቀስ መብት ይሰጠናል። ወደ ገጠር አካባቢዎች የመጓዝ መብት የሞተር መኪኖች መጠቀምን አይፈቅድም።

ወደ ገጠር አካባቢዎች የመጓዝ መብት በመሠረቱ ባልታረሰ መሬት ላይ የሚደረግ ሆኖ የታረስ በሚሆንበት ጊዜ ደግሞ መሬቱ በረዶ ሲሆን ወይም በበረዶ የተሸፈነ ከሆነ ብቻ ይፈቀዳል። ኖርዌይ ውስጥ የሚገኝ ያልታረሰ መሬት ሐይቆች፣ የባህር ዳርቻዎች፣ ሸለቆዎች ጫካዎች እና ተራሮችን ያጠቃልላል። የታረሰ መሬት ሲባል ቤቶች አካባቢ የሚገኙ የታረሱ እርሻዎች የአትክልት ቦታዎች እና መስኮችን ያጠቃልላል። በሌላ አነጋገር ሌሎች ሰዎጭ ባረሱት መሬት ላይ የመግባት መብት የለንም ማለት ነው።

ባልታረሰ መሬት ላይ ግን እንደፍላጎታችን በበረዶ ለመንሸርሸር በእግር መሄድ እንዲሁም እንደፈለግነው ዲንኳን ጥለን መስፈር እንችላለን። በብሩህ ሰማይ ስር ወይም ድንኳን በመትከል ማደር እንችላለን። ነገር ግን ከቤቶች ወይም ከጎጆዎች ከ150 ሜትር በታች ቅርበት ያለው መሆን የለበትም። በአንድ ቦታ ላይ ከ48 ሰአት ለበለጠ ጊዜ መቆየት ስንፈልግ የመሬቱን ባለቤቶች ፈቃድ ልንጠይቅ ይገባል።

ወደገጠር አካባቢዎች የመጓዝ መብታችንን በምንጠቀምበት ጊዜ ኃላፊነት አለብን። እንስሳትም ወይም የገጠር ቦታን ልንጎዳ ወይም ልናበላሽ አይገባም። ከተጠቀምን በኋላ አካባቢውን ማጽዳት አለብን። ቆሻሻ ትተን መሄድ የለብንም። እሳት በምናቀጣጥልበት ጊዜ ደግሞ ልንጠነቀቅ ይገባል። ከሚያዝያ 15 እስከ መስከረም 15 ድረስ ያለው ጊዜ በጫካዎች ወይም ለደኖች ቅር በሆኑ ቦታዎች እሳት መለኮስ ወይም ማቀጣጠል ክልክል ነው።

እብዛኛዎቹ አካባቢዎች ፍራ ፍሬ (ቤሪ) ቅጠላ ቅጠል እና አበባ መቁረጥ እንችላለን። በሰሜናዊ ኖርዌይ ግን ቀለሙ ቢጫ የሆነውን ቤሪ የተባለ ፍሬ (cloudberries) በምንቆርጥባት ጊዜ የተለዩ ሕጎች አሉ።

የገጠር አካባቢዎች/ ቦታዎችን ለመንከባከብ ምን ማድረግ እንችላለን?

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no