Intro
Amharisk • አማርኛ

የልጅ ድጋፍ አበል

ከ18 አመት በታች የሆኑ ልጆች ያላቸው ቤተሰቦች የልጅ ድጋፍ አበል ከመንግስት ይቀበላሉ። የልጅ ድጋፍ አበል በየወሩ መጨረሻ ይከፈላል፤ ይህን ገንዘብ ግብር አንከፍልበትም። የቤተሰቡ ገቢ ምንም ቢሆንም በሁሉም ሰው አንድ አይነት የአንድ ልጅ የድጋፍ አበል መጠን ይከፈለዋል።

የልጅ ድጋፍ አበል የወላጆች ገንዘብ እንጂ የልጁ ገንዘብ አለመሆኑን መረዳት ያስፈልጋል። የልጅ ድጋፍ አበል ቤተሰብ ልጅን ለማሳደግ የሚያወጣውን ወጪ፤ ለምሳሌ የኑሮ፣ ልብሶች፣ ጫማ፣ የስፖርት ወጪዎች እና የመሳሰሉትን ለመሸፈን ተብሎ የሚከፈል ነው።

የልጅ የድጋፍ አበል መቀበል ጠቅላላ ህግ ድጋፉን የሚጠቀሙ ልጆች ኖርዌይ ውስጥ መኖር አለባቸው የሚል ነው። አንድ ልጅ ወይም ልጆች ከኖርዌይ ውጪ ከስድስት ወር በላይ ከኖረ/ከኖሩ በህጉ መሰረት የቤተሰቡ የልጅ አበል ድጋፍ የመቀበል መብታቸው ውድቅ ይሆናል። ለምሳሌ ከወላጆቻቸው አንዱ ኖርዌይ ውስጥ የሚሰራ ከሆነ ልጆቹን ከኖርዌይ ውጪ በአውሮፓ ኢኮኖሚያዊ አካባቢ የምትገኝ አንዲት ሀገር የሚገኙ ከሆነ የልጅ ድጋፍ አበል ሊከፈሉ ይችላሉ።

ከታች ተዘርዝረው ያሉት መጠኖች ከ1 ጥር 2007 ጀምሮ በተግባር ላይ ውለዋል። አንድ ቤተሰብ በወር ለእያንዳንዱ ልጅ የምትቀበለው ምን ያህል እንደሆነ ያመልክታሉ።

  • የተለመደው መጠን 970 የኖርዌይ ክሮነር ነው።
  • በፊንማርክ እና በአንዳንድ ኖርድ ትሮምስን ባለስልጣን አካባቢ ለሚገኙ ልጆች ግን መጠኑ ይጨምራል። የሚቀበሉት ተጨማሪ መጠንም 320 የኖርዌይ ክሮነር ነው።
  • ልጁን ለማሳደግ የግል ኃላፊነት ያላቸው ሰዎች ተጨማሪ የልጅ ድጋፍ አበል ሊቀበሉ ይችላሉ። ይህም ካሉዋቸው ልጆች በላይ በተጨማሪም ለአንድ ልጅ የልጅ ድጋፍ አበል ይቀበላሉ ማለት ነው። ልጅ ለማሳደግ የግል ኃላፊነት ያላቸው ሰዎች ከ0-3 አመታት ለአሉት ልጆች አነስተኛ ተጨማሪ የልጅ አበል ሊቀበሉ ይችላሉ። (ተጨማሪው መጠን በወር 660 የኖርዌይ ክሮነር ነው።)

የልጆች የአበል ጥቅምን በተመለከተ በስራ እና ደህንነት (NAV) ደረገጽ መመልከት ይችላሉ።

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no