Intro
Amharisk • አማርኛ

ከስራ መቅረት

የግል ህመም

ራሳችሁ ብትታመሙ ሙሉ ደመወዛችሁ እየተከፈላችሁ ከስራ በመቅረት ቤት ማረፍ ትችላላችሁ። አስሪያችሁ የመጀመሪያውን አስራ ስድስት ቀናት ደመወዝ ይከፍላችኋል። ከዚያ በኋላ ያለው ደመወዛችሁ ግን በሀገራዊ ደህንነት ጽ/ቤት ይከፈላችኃል። እነዚህን አስራ ስድስት ቀናትን የአሰሪ ጊዜ(የስራ ሰጭ ጊዜ) ብለን እንጠራቸዋለን።

ከስራ ከቀራችሁበት የመጀመሪያው ቀን ጀምሮ ለአሰሪያችሁ ማሳወቅ ይኖርባችኋል። ታማችሁ ከስራ ብትቀሩ ሁል ጊዜ ማስረጃ ምቅረብ ይኖርባችኋል። ይህንንም ራሳችሁ ባቀረባችሁት ወይም ሀኪም በሰጣችሁ ምስክር ወረቀት አማካኝነት ማቅረብ ትችላላችሁ።

ከልጆቻችሁ አንዱ ቢታመም ከስራ በመቅረት ቤት የመቆየት መብት አላችሁ። ስለዚህ ጉዳይ በተሳታፊዎች መጸሀፍ ኤንትሮ የሚገኘው አምስተኛው ርዕስ ስራ፣ የስራ ህይወት እና የስራ ገበያ በበለጠ ማንበብ ትችላላችሁ።

በራስህ የሚዘጋጅ ምስክር ወረቀት

በራስ የሚዘጋጅ ምስክር ወረቀት ማለት እንደታመማችሁ ጽፋችሁ ሰነድ ማቅረብ ማለት ነው። ወደ ሀኪም ሄዳችሁ መታየትም አያስፈልጋችሁም። በጣም መታመማችሁን ወይም አለመታመማችሁን እራሳችሁ ትወስናላችሁ። በራስ የሚዘጋጅ ምስክር ወረቀት ለምን ያህል ጊዜ እና ርቀት መጠቀም እንደምትችሉ የሚያመለክቱ መመሪያዎች አሉ።

ራስህ የምታዘጋጀው ምስክር ወረቀት አጠቃቀም መሰረታዊ መመሪያዎች፥

  • በአስራ ሁለት ወራት ውስጥ ከአራት በላይ ምስክር ወረቀቶች መጠቀም አይቻልም።
  • አንድ ራስህ ያዘጋጀሀት ምስክር ወረቀት ለአንድ ሁለት ወይም ሶስት ቀናት ልትሆን ትችላለች። ቅዳሜ እና እሁድንም ማስገባት ያስፈልጋል።
  • ለግማሽ ወይም ከዚያ በላይ የስራ ቀን ከስራ ብትቀር ራስህ ያዘጋጀከኸው ምስክር ወረቀት መጠቀም አለብህ።
  • ራስህ የምታዘጋጀው ምስክር ወረቀት ከተጠቀምክበት በኋላ ሌላ አዲስ ከመጠቀምህ በፊት አስራ ስድስት ቀናት መጠበቅ ይኖርብሃል።
  • የሀኪም የምስክር ወረቀት ከተጠቀምክ በኋላ ሌላ ራስህ ያዘጋጀህው ምስክር ወረቀት ከመጠቀምህ በፊት አስራ ስድስት ቀናት መጠበቅ ይኖርብሃል።
  • በአዲስ የስራ ቦታ ከጀመርክ በኋላ ያሉት የመጀመሪያ ስምንት ሳምንታት ራስህ የምታዘጋጀው የምስክር ወረቀት መጠቀም አትችልም።
  • ከስራ ያረፋችሁበት ከመጀመሪያው ቀን ጀምሮ ለአሰሪያችሁ እንደታመማቹህ መጠቆም ይገባል።
  • ወደ ስራ ከተመለስክበት የመጀመሪያ ቀን ራስህ የምታዘጋጀው ምስክር ወረቀት ቅጽ መሞላት ይገባል።

የሀኪም የምስክር ወረቀት

የሀኪም የምስክር ወረቀት ማለት የህመማችሁ ሀቀኝነትን የሚገልጽ የሀኪም ሰነድ ማለት ነው። እናንተ ከስራ እስከቀራችሁ ድረስ በጣም መታመማችሁ እና አለመታመማችሁን የሚገልጸው ሀኪሙ ነው። በምን ያህል ጊዜ ርቀት እና በምን ያህል ጊዜ የሀኪም የምስክር ወረቀት መጠቀም እንደምትችሉ የሚያመለክቱ መመሪያዎች አሉ።

በሌላ ምክንያት የመቅረት ፍቃድ

ከራሳችሁ እና ከልጆቻችሁ ህመም ውጪ በማንኛውም ምክንያት ከስራ መቅረት የሚያስፈልጋችሁ ከሆነ ፍቃድ እንዲሰጣችሁ ማመልከት ይገባችኋል። ያለ ምክንያት የማረፍ መብት የላችሁም። ምን ያህል የእረፍት ቀናት ሊኖራችሁ እንደሚችል የሚወስነው አሰሪያችሁ ነው።

ደሞዝ የምትከፈሉበት ወይም የማትከፈሉበት የእረፍት ጊዜ ሊሰጣቸሁ ይችላል። ደሞዝ ሊከፈላችሁ የሚገባው አሰሪያችሁ ነው። እረፍትን የተመለከቱ መመሪያዎች በሁሉም የስራ ቦታዎች አንድ ናቸው።

እረፍት ለመውሰድ ማመልከት የምትችሉት አንዳንድ ምክንያቶች

  • የቅርብ የቤተሰብ አባል መታመም ወይም ሞት
  • ልጃችሁ ወደ መዋዕለህጻናት የገባበት ወይም የገባችበት የመጀመሪያው ቀን አብራችሁ ለመዋል
  • ሀይማኖታዊ እና ሀገራዊ ባእሎች እና እረፍቶች
  • የሀኪም አጠቃላይ ቀጠሮ፣ የጥርስ ሀኪም ወይም ፊዞተራፒ ሀኪም (የሰውነት መታሸት)
  • የራሳችሁ ሰርግ
  • ቤት በምትቀይሩበት ወቅት

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no