Intro
Amharisk • አማርኛ

የኖርዌይ ታሪክ ፦ ወደ አገር ውስጥ የሚገቡ እና ከአገር የሚወጡ ስደተኞች

ወደ አገር የሚገቡ ስደተኞች

©Scanpix©Scanpix

ኖርዌይ ለተለያዩ የዘር ሐረግ ላላቸው ሰዎች ለረዥም ጊዜ መጠለያ ሆና ቆይታለች። ሳሚዎች በሰሜን ኖርዌይ ላለፉት 2000 ዓመታት የኖሩ ሲሆን ሰዎች ወደ ኖርዌይ ያለፉት ብዙ 100 ዓመታት ለሥራ ሲመጡ ቆይተዋል። ለመጀመሪያ ጊዜ ወደ ኖርዌይ ለመሥራት የመጡት ስደተኞች ከጐረቤት አገሮች እና ከምዕራብ አውሮፓ የመጡ ነበሩ። በአሁኑ ወቅት ከ200 የተለያዩ አገራት የመጡ ሰዎች ኖርዌይ ውስጥ ይኖራሉ።

የኖርዌይ ኢኮኖሚ ከ1960 ጀምሮ ተሻሽሏል። ብዙ የሰው ጉልበት ይፈለግ ስለነበር ብዙ ሰዎች ለመሥራት ሥራ ለማግኘት ወደ ኖርዌይ መጥተዋል። የመጀመሪያ ጊዜ የመጡት ሰዎች ከአውሮፓ ሲሆን ነገር ግን ከ1970ዎቹ ወዲህ ብዙ ሰዎች ከኢስያ አፍሪካ እና ላቲን አሜሪካ መጥተዋል። ብዙ ፓኪስታንያዊያን እና ቱርካዊያንም እዚህ ለመሥራት የመጡ ሲሆን አብዛኛዎቹም እዚህ ነዋሪ ሆነዋል። በ1975 ስደተኝነት ቆሞ ነበረ ምክንያቱም ስራ አጥነት በመጨመሩ እና እዚህ ለመጣው ሰው ሁሉ ቤት ማግኘት ከባድ ስለሆነ ነው።

በአሁኑ ወቅት ከአውሮፓ ኢኮኖሚ ማሕበር አገራት የሚመጡ ሰዎች ኖርዌይ ውስጥ የመኖሪያ ፈቃድ እና የሥራ ፈቃድ ያገኛሉ። በተጨማሪም ኖርዌይ የምትፈልጋቸው ባለሙያዎች ኖርዌይ ውስጥ የሥራ ፈቃድ ማግኘት ይችላሉ። በቅርብ አመታት ብዙ ጥገኝነት ጥያቄዎች ከተለያዩ አገራት መጥተዋል። ከጦርነትን እና ከብዝበዛ ያመለጡ ሰዎች ኖርዌይ ውስጥ ለጥገኝነት ማመልከት ይችላሉ።

ከአገር የሚወጡ ስደተኞች

©Norsk Folkemuseum©Norsk Folkemuseum

ኖርዌጂያዊያኖችም ወደ ብዙ አገራት ተሰድደዋል። ባለፈው 1900 አጋማሽ እና 1900 መጀመሪያዎች አካባቢ 800ሺህ የሚያህሉ ኖርዌጂያዊያኖች ወደ አሜሪካ ተሰድደዋል። ኖርዌይ በኢኮኖሚ በጣም የደኸየች ነበረች እና ሥራ ማግኘት ከባድ ነበር። ብዙ ሰዎችም በአሜሪካን ውስጥ አዲስ ሕይወት ለመጀመር ያልሙ ነበር። አሜሪካ ውስጥ ብዙ የሥራ እድሎች እንዳሉ ይሰሙ ነበር። ብዙ ሰዎች በአሜሪካ ውስጥ ለመጀመሪያ ጊዜ ለመኖር ከብዷቸው ነበር፣ ነገር ግን አብዛኛዎቹ ደህና ነበሩ።

በአሁኑ ወቅት ብዙ ኖርዌጂያውያን በሌሎች አገሮች በሥራ ወይም ትምህርት ተሰማርተዋል። ጊዜያቸውን ሌላ ባሕል በማወቅ ወይም ምናልባት ቋንቋንም በመማር ያሳልፋሉ። ወጣት ኖርዌጂያውያን አልፎ አልፎ ለጥቂት ወራት አመቱን በሙሉ አለም በመዞር የተለያዩ አገሮች እና ባሕል በማየት ያሳልፉታል።

በቅርብ ጊዜ ከኖርዌይ የወጡ ስደተኞች ለረዥም እና ለአጭር ጊዜ ሙቀት ወደሆኑ አገሮች የተጓዙ ናቸው። ብዙ ጡረተኞች በበጋ ወቅት ኖርዌይ ውስጥ ካለው ብርድ መራቅ ይፈልጋሉ። አንድ አንዶቹ ለምሳሌ ወደ ስፔን በቋሚነት ሲሄዱ አንድ አንዶቹ በጋውን እዛው አሳልፈው በክረምት ወደ ኖርዌይ ይመለሳሉ።

ኖርዌይ ስደተኞች እንዳይገባ በ1975 ከለከለች ከዚያ ወዲህ ያለው የስደተኞች መጨመር እንዴት መግለጽ ይቻላል።

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no