Intro
Amharisk • አማርኛ

የኖርዌጂያን ቋንቋ ስልጠና ፦ መብት እና ግዴታዎች

©Mimsy Møller/Samfoto©Mimsy Møller/Samfoto

በኖርዌይ ውስጥ ያሉት ወጣት ስደተኞች ቢያንስ 300 ሰዓታት የኖርዌጂያን ቋንቋ ስልጠና የማግኘት መብት እና ግዴታዎች አሉባቸው። ከእነዚህ ሰዓታት 50 ሰዓት የኖርዌይ ሕብረተሰብን ለማወቅ መመደብ ይኖርበታል፤ በስደተኛው የአፍ መፍቻ ቋንቋ ወይም ሌሎች ሰውየው በሚገባው ቋንቋዎችም ይሰጣል። «የኖርዌኛ ቋንቋ ስልጠና መብት እና ግዴታዎች ጋር የተያያዘው አዋጅ» ከ1/09/2005 ጀምሮ ሥራ ላይ ውሎአል። ከዚህ ቀን በኋላ ፕሮግራሙ የሚሰራው የመኖሪያ ፈቃድ ላላቸው ብቻ ነው።

የኖርዌጂያን ቋንቋ ስልጠና እንዲወስዱ የሚገደዱት ስደተኞቹ በሥራ ገበያው እና በሕብረተሰቡ ዘንድ ንቁ ሆነው መሳተፍ የሚችሉበትን መንገዶች ለማሻሻል ነው።

ሁሉም ተሳታፊዎች ለኖርዌጂያን ቋንቋ ስልጠናው የራሳቸው እቅድ ሊኖራቸው ይገባል። የፕሮግራሙ አማካሪ፣ አስተማሪ እና ተሳታፊው አንድ ላይ በመሆን እቅዱን ያወጣሉ። አብዛኛዎቹ ሰዎች ሕብረተሰቡ ውስጥ በደንብ መቀላቀል እንዲችሉ ከ300 ሰዓታት በላይ ኖርዌጂያን ቋንቋ መማር ይስፈልጋቸዋል። ስለዚህም ለተጨማሪ ሰዓት ማመልከት ይቻላል። ከፍተኛው ገደብ 3000 ሰዓታት ነው። የአካባቢ ባለስልጣናትም የዚህን ሥልጠና የመቆጣጠር ኃላፊነት አለባቸው።

ማንኛውም የመኖሪያ ፈቃድ ወይም የኖርዌይ ዜግነት የሚፈልግ ስደተኛ የ300 ሰዓታት የኖርዌጂያን ቋንቋ ስልጠና ማጠናቀቅ ይኖርበታል ወይም በቂ የኖርዌጂያን ቋንቋ ክሎት እንዳለው መረጃ ማቅረብ ይኖርበታል።

አንዳንድ ስደተኞች ነጻ የኖርዌጂያን ቋንቋ ሥልጠና የማግኘት መብት አላቸው። ሌሎቹ ግን የኖርዌጂያን ቋንቋ ስልጠናውን ለማግኘት መክፈል ይኖርባቸዋል፤ ቢሆንም ግን ኖርዌጂያን ቋንቋ የመማር ግዴታ ለሁሉም የሚሰራ ነው። ፕሮግራሙ ከ16 እስከ 67 ዕድሜ ላላቸው ሰዎች ይሰራል። ከ55 እስከ 67 ዕድሜ ያላቸው ሰዎች የኖርዌጂያን ቋንቋ ስልጠና የሚወስዱት ከፈለጉ ነው። ነገር ግን ስልጠናውን የመጨረስ ግዴታ የለባቸውም።

ስደተኞች ስልጠናውን የመውሰድ መብታቸውን ተጠቅመው 300 ሰዓታት የኖርዌጂያን ቋንቋ ስልጠናውን በ3 ዓመት የመጨረስ ግዴታ አለባቸው። ሁሉም አስገዳጅ ስልጠናዎች ኖርዌይ ውስጥ ከገቡ በ5 ዓመታት ውስጥ መጠናቀቅ ይኖርባቸዋል።

የሚከተሉት ሰዎች የኖርዌጂያን ቋንቋ ስልጠና የማጠናቀቅ ግዴታ አለባቸው፥

  • በጥገኝነት ሁኔታ ያሉ ሰዎች
  • በሰፈራ የመጡ ስደተኞች
  • በሰብአዊ ሁኔታዎች የመኖሪያ ፈቃድ ያገኙ ሰዎች
  • በጋራ ከለላ የተሰጣቸው ሰዎች
  • ኖርዌይ ውስጥ ከሚኖረው ቤተሰባቸው ጋር መልሶ ለመገናኘት የተፈቀደላቸው ሰዎች
  • ከኖርዌይ እና ሌሎች ኖርዲክ(ስካንደኔቫን) አገራት ዜጎች ጋር መልሶ የመገናኘት እድል የተስጣቸው ሰዎች

የሚከተሉት ሰዎች በነፃ የሚሰጠውን የኖርዌጂያን ቋንቋ ስልጠና የማጠናቀቅ ግዴታ አለባቸው። እነሱ ወይም አሰሪያቸው ለስልጠናው መክፈል አለበት፥

  • ከኢኤፍቲኤ/አውሮፓ ኢኮኖሚ አገራት (EFTA/EEA) ውጭ ከሆኑ አገራት የሚመጡ ስደተኞች
  • ከላይ ከተጠቀሱት ቤተሰቦቻቸው ጋር መልሶ ለመገናኘት የተፈቀደላቸው ሰዎች።

አንድ አንድ ስደተኞች የኖርዌጂያን ቋንቋ ስልጠና የመውሰድ መብትም ግዴታም የለባቸውም። ነገር ግን የኖርዌጂያን ቋንቋ ስልጠና መውሰድ ይኖርባቸዋል። እነዚህ ሰዎች ከእነዚህ ቡድኖች የሚጠቃልለው ምሳሌ፦

  • ወደ ኖርዌይ ለማጥናት የሚመጡ ሰዎች
  • የኤዩ ጥንዶች እና ሌሎች የጊዜያዊ መኖሪያ ያገኙ ሰዎች
  • ኖርዲክ(ስካንደኔቫን) አገሮች ዜጋ የሆኑ
  • በኢኤፍቲኤ/ የአውሮፓ ኢኮኖሚ ማሕበር(EFTA/EEA) ድንጋጌዎች መሠረት የመኖሪያ ፈቃድ ያገኙ ሰዎች

በመዋሀድ እና ልዩነት ዳይሬክቶሬት (IMDI) ድረገጽ ላይ የበለጠ ማንበብ ይችላሉ።

ለምንድን ነው ባለስልጣናቱ አንድ ስደተኛ ቋሚ የመኖርያ ፈቃድ ለማግኘት 300 ሰዓታት የኖርዌጂያን ቋንቋ ስልጠና መሰልጠን እንዳለበት የወሰኑት?

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no