Intro
Amharisk • አማርኛ

መሠረታዊ ፕሮግራም

መሠረታዊ ፕሮግራም አዋጅ ኖርዌይ ውስጥ በ1/09/2004 ሥራ ላይ ውሏል። ይህ አዋጅ የአገር ውስጥ ባለስልጣናት አዲስ የመጡትን ስደተኞች በሥራ እና ሕብረተሰብ ውስጥ የመሣተፍ ዕድላቸው እንዲሰፋ የማድረግ ኃላፊነት እንዳለባቸው ይደነግጋል።

ለኮርሱ ተሳታፊዎች የሚሰጠው መሠረታዊ ፕሮግራም አላማዎች ፤

  • የኖርዌጂያን ቋንቋ መሠረታዊ ችሎታ መጨበጥ
  • ስለ ኖርዌይ ሕብረተሰብ መሠረታዊ ነገሮችን ማወቅ
  • በኖርዌይ የሥራ ገበያ ላይ ለመሳተፍ መዘጋጀት

©Mimsy Møller/Samfoto©Mimsy Møller/Samfoto

ሕጉ የሚያካትተው አዳዲስ ለሆኑት ስደተኞች ከ18 እስከ 55 ዕድሜ ላላቸው እና መሠረታዊ መሥፈርቱን ማሟላት የሚፈልጉትን ነው። ወደ መሠረታዊ ፕሮግራሙ ለማካተት ስደተኛው ጥገኝነት ለማግኘት፣ በአገሪቷ ጥገኝነት መግኘት ወይም በከለላ ምክንያት የመኖሪያ ፈቃድ ለማግኘት የመጣ ሊሆን ያስፈልጋል። ቤተሰብን መልሶ በማገናኘት ወደ ኖርዌይ የመጡ ሰዎች ወደ መሠረታዊ ፕሮግራሙ ሊሣተፉ ይችላሉ። የአገር ውስጥ ባለስልጣናት መሠረታዊ ፕሮግራሙን ለሁሉም ስደተኞች እድል ሊሰጡ ይችላሉ።

  • ስደተኞች መሠረታዊ ፕሮግራም እንዲሰጣቸው የሚጠየቁት በሚኖሩበት የአካባቢ ባለስልጣን ውስጥ ነው።
  • መሠረታዊ ፕሮግራሙ ብዙ ጊዜ ለሁለት ዓመታት ይቆያል። ለተጨማሪ ፕሮግራም (ለሶስት ዓመት የሚቆይ) ማመልከት ይቻላል።
  • ፕሮግራሙ የሙሉ ፈረቃ ፕሮግራም ነው። ተሳታፊዎች በዓመት 5 ሣምንት የበአል ዕረፍት ሊያገኙ ይችላሉ።
  • ተሳታፊዎች አንድ የፕሮግራም አማካሪ(አገናኝ ሰው) በአካባቢ ባለስልጣናት ይመደብላቸዋል። የፕሮግራም አማካሪው ሥራ በመሠረታዊ ፕሮግራም በሚቆይበት ወቅት መምራት እና ምክር መስጠት ነው።
  • የመሠረታዊ ፕሮግራም ይዘት የኖርዌጂያን ቋንቋ ስልጠና፣ በተለያዩ ቦታዎች የሥራ ልምድ እና ሌሎች እንቅስቃሴዎች ሊያካትት ይችላል።
  • የፕሮግራሙ ተሳታፊዎች በፕሮግራሙ ላይ በመሣተፋቸው ይከፈላቸዋል። ይህ መሠረታዊ ድጋፍ ተብሎ ይጠራል። መሠረታዊ ድጋፉ በአገሪቷ ውስጥ አንድ አይነት ነው።

መሠረታዊ ድጋፍ 2G (2ጂ) እንዲሆን ተደርጓል። G (ጂ) የሚወክለው የብሔራዊ ደህንነት ዋስትና መሠረታዊ መጠኑን ነው። ከ1/05/2005 ጀምሮ 1G = 60,699 የኖርዌይ ክሮነር። ከ18 እስከ 25 ዕድሜ ካላቸው 75 በመቶ የሚሆኑት ሰዎች 2G መሠረታዊ ድጋፍ ያገኛሉ። መሠረታዊ ድጋፉ ግብር ይከፈልበታል።

ስለ «የመሠረታዊ ድጋፍ እና ለአዲስ ስደተኞች የሚሰጥ የኖርዌጂያንኛ ቋንቋ ስልጠናን የሚመለከት አዋጅ (መሠረታዊ አዋጅ)» በተመለከተ በመዋሀድ እና ልዩነት ዳይሬክቶሬት (IMDI) ድረገጽ ላይ የበለጠ ማንበብ ይችላሉ።

አዋጁን በሙሉ ይዘት በሎቭዳታ (Lovdata) ድረገጽ ማንበብ ትችላላችሁ።

ስለ መሠረታዊ ፕሮግራም ዓላማዎች ተወያዩ
ከ18 እስከ 25 ዕድሜ የሆኑ ሰዎች የመሠረታዊ ድጋፉን 75 በመቶ ብቻ ለምን ይቀበላሉ?

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no