Intro
Amharisk • አማርኛ

ቤተሰብን መልሶ ማገናኘት

©Ingun A. Mæhlum/Dagbladet/All Over Press©Ingun A. Mæhlum/Dagbladet/All Over Press

አንድ ከኖርዌይ ውጭ የሚኖር ሰው አንድ ወይም ከአንድ በላይ ኖርዌይ ውስጥ ከሚኖሩት ቤተሰቦቹ ጋር ለመገናኘት ማመልከት ይችላል። ቤተሰብን መልሶ ማገናኘት ማለት የቤተሰብ አባሉን ኖርዌይ ውስጥ እንዲቆይ የሚያስችለውን ፈቃድ መስጠት ማለት ነው።

ወደ ኖርዌይ መምጣት የሚፈልጉት የቤተሰብ አባላት ለቤተሰብ መልሶ ማገናኘት ማመልከት ይኖርባቸዋል። ማመልከቻውን ደግሞ ቅርብ በሚገኘው ኤምባሲ ወይም ውጭ ጉዳይ ማቅረብ ይኖርባቸዋል። በውጭ ጉዳይ ያሉ ሰራተኞች ማመልከቻውን እንዴት መሙላት እንዳለባቸው ሊረዷቸው ይችላሉ። አብዛኛውን ጊዜ አመልካቹ ወደ ኖርዌይ ከመጓዙ በፊት ማመልከቻው መጽደቅ ይኖርበታል። አመልካቾቹ እራሳቸው ወደ ኖርዌይ የመጓዙበት ወጪን መሸፈን ይኖርባቸዋል።

ኖርዌይ ውስጥ የሚገኙ የቤተሰብ አባላት የሚከተለውን ሂደት ማከናወን አለባቸው።

  • የኖርዌጂያን ዜግነት ወይም የሌላ ኖርዲክ አገር ዜግነት
  • ኖርዌይ ውስጥ ቋሚ የመኖሪያ ፈቃድ
  • ወደ ቋሚ መኖሪያ ፍቃድነት ሊመራ የሚችል የመኖርያ ፈቃድ

በተጨማሪም የቤተሰብ አባሉ ከቤተሰቡ ጋር ለመገናኘት የሚመጣውን ሰው መርዳት የሚችል ብቃት እንዳለው የሚያሳይ ሰነድ ማቅረብ ይኖርበታል። የሚመጣውም ሰው የሚኖርበት ቦታ ሊኖረው ይገባል።

ቤተሰብን መልሶ ማገናኘት የሚሰራው ቅርብ ለሆኑት የቤተሰብ አባላት ብቻ ነው። ቅርብ የቤተሰብ አባላት የሚባሉት፤

  • ከ18 ዓመት በታች የሆኑ ልጆች
  • ባል ወይም ሚስት ፣ ሕጋዊነት ያለው ሸሪክ
  • ላለፉት ሁለት ዓመታት አብሮት የኖረ ሰው

ሌሎች የቤተሰብ አባላትም ኖርዌይ ውስጥ ከሚኖሩት ቤተሰቦቻቸው ጋር መልሶ ለማገናኘት ማመልከት ይችላሉ። ይህም ከ18 ዓመት በታች የሆኑት ልጆች ሸሪኮች እና ሌሎችን ያካትታል። የኖርዌይ ስደተኞች ዳይሬክተር (UDI) ወይም የኖርዌይ የውጭ ተልኮ ስለዚህ ጉዳይ የበለጠ መረጃ ሊሰጡ ይችላሉ።

ቤተሰብን መልሶ ማገናኘትን በተመለከት በኖርዌጂያን የስደተኞች ዳይሬክተር ድሕረ ገጽ የበለጠ ማንበብ ትችላላችሁ።

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no