Intro
Amharisk • አማርኛ

የመኖሪያ ፈቃድ

©Torbjørn Tandberg/Samfoto©Torbjørn Tandberg/Samfoto

የሁሉም አመልካቾች የጥገኝነት ጥያቄ በግል ነው የሚታየው። ጥገኝነት ጠያቂው ከሚከተሉት የመኖሪያ ፈቃድ አይነቶች አንዱ ሊሰጠው ይችላል።

ጥገኝነት

አንድ ጥገኝነት ጠያቂ ጥገኝነቱ ሊፀድቅለት የሚችለው በትውልድ አገሩ ካሉት ባለስልጣናት በሐይማኖት ወይም በፖለቲካ ጭፍጨፋ ተገቢ የሆነ ስጋት የሚደርስበት ወይም የሚደርስባት ከሆነ ብቻ ነው። የደረሰበት ግፍ በዘር፣ ሐይማኖት፣ ዜግነት፣ የአንድ ማሕበረሰብ አባል በመሆኑ ወይም በፖለቲካ ምክንያት ሊሆን ይችላል። ጭፍጨፋ ማለት የሰባዊ መብቶች መጣስ ወይም ሌሎች አደገኛ የፍትሕ አለመክበር ያጠቃልላል። ተገቢነት ያለው ስጋት ማለት ትክክለኛ የሰብአዊ መብት ጥሰት ሲያጋጥም ማለት ነው።

አንድ ሰው የጥገኝነቱ ከፀደቀለት የጥገኝነት መብት ኖርዎት የመኖርያ እና የሥራ ፈቃድ ያገኛል። ፍቃዱ ለአንድ አመት የሚፀና ሲሆን በየዓመቱ መታደስ ይኖርበታል።

ሰውየው የስደተኞች መጓጓዣ ሰነድም ይሰጠዋል። ይህ የመጓጓዣ ሰነድ ወደ ትውልድ አገሩ መጓዝ አያስችለውም። ሕፃናትም የራሳቸው የሆነ የመጓጓዣ ሰነድ ያስፈልጋቸዋል።

ለከለላነት የሚሰጥ የመኖሪያ ፈቃድ

ጥገኝነት ጠያቂው ጥገኝነቱ ካልፀደቀለት እና ነገር ግን ወደ ትውልድ አገሩ ለመመለስ ዋስትና ከሌለው ለከለላነት ተብሎ የመኖሪያ ፈቃድ ሊሰጠው ይችላል። እነዚህ ምክንያቶች በትውልድ አገሩ ያለው አለመረጋጋት ወይም አዛ ከተመለሰ የሚደርስበትን የኢሰብዓዊ አያያዝና ትንኮሳን ያጠቃልላሉ።

አብዛኞቹ ኖርዌይ ውስጥ ጥገኝነት ከሚጠይቁት ሰዎች በኖርዌይ ውስጥ የመኖሪያ ፈቃድ የሚያገኙት በከለላነት ምክንያት ነው። እነዚህ የመኖሪያ ፈቃዶች በመኖሪያ እና በሥራ ፈቃድ መልክ ይሰጣሉ። ይህ ፈቃድ ለአንድ ዓመት የሚፀና ሲሆን በየዓመቱ መታደስ ይኖርበታል።

አንድ ሰው ከትውልድ አገሩ ፓስፖርት የማያገኝ ከሆነ ለስደተኞች ፓስፖርት ማመልከት ይችላል።

በሰብአዊ ምክንያቶች የሚሰጥ የመኖሪያ ፈቃድ

አንድ ጥገኝነት ጠያቂ በሰብአዊ ጉዳዮች ምክንያት የመኖሪያ ፈቃድ ሊያገኝ ይችላል። ከፍተኛ የጤና ችግር ያለባቸውም ሰዎች የመኖርያ ፈቃድ ሊያገኙ ይችላሉ። በአንድ አንድ ልዩ ሁኔታዎች እንደነዚህ ያሉት የመኖሪያ ፈቃዶች ልጆችን ከግምት ውስጥ ሳያስገቡ ሊሰጡ ይችላሉ።

እንደዚህ ዓይነት የመኖሪያ ፍቃዶች ብዙን ጊዜ በመኖሪያ እና በሥራ ፍቃዶች መልክ ይሰጣሉ። ፍቃዱ ለአንድ ዓመት የሚፀና ሲሆን በየዓመቱ መታደስ ይኖርበታል።

ሰውየው ከትውልድ አገሩ ፓስፖርት ማግኘት የማይችል ከሆነ ለስደተኞች ፓስፖርት ማመልከት ይችላል።

ጊዜያዊ የሥራ ፈቃድ

አንድ ሰው የኖርዌይ የሥደተኞች ጉዳይ ዳይሬክተር ጉዳዩን እስኪያጣራ ድረስ ጊዜያዊ የሥራ ፈቃድ ሊሰጠው ይችላል። የጥገኝነት ጥያቄው መሠረት የሌለው ወይም የአመልካቹ ምንነት ጥያቄ ውስጥ የሚገባ ከሆነ ጊዜያዊ የሥራ ፈቃዱ ላይሰጥ ይችላል።

የመኖሪያ ፈቃድ ዓይነቶችን በተመለከተ በኖርዌይ የስደተኞች ዳይሬክተር ድረገጽ የበለጠ ማንበብ ይችላሉ። የስደተኞች እና ጥገኝነት ፖሊሲን በተመለከተ በድረገጽ Bip.no የበለጠ ማንበብ ይችላሉ።

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no