Intro
Amharisk • አማርኛ

መንግስት

መንግስት አብዛኛው ጊዜ ከ 18 እስከ 19 የመንግስት ካቢኔት ሚኒስተሮችን ያቀፈ ነው። እያንዳንዱ የመንግስት ካቢኔት ሚኒስቴር የሚወክለውን ሚኒስቴር ያስተዳድራል። መንግስቱም በጠቅላይ ሚኒስቴር ይመራል።

የፖለቲካ ፓርቲዎች ኖርዌይ በምን አይነት መንገድ መመራት እንዳለባት አስተያየት የመስጠት ፍላጎት አላቸው። አብዛኛዎቹም የመንግስት አስተዳደር አካል መሆን ይፈልጋሉ። መንግስት ለማቋቋም ከተባበሩ ህብረት (koalisjon) ተብሎ ይጠራል። በመንግስት አስተዳደሮች ያሉት ፓርቲዎች በጠቅላላ በስቶርቲንጌ ውስጥ ከፍተኛው ቦታ ካሉዋቸው ከብዙኃኑ መንግስት ተብለው ይጠራሉ። መንግስት ለማቋቋም ብለው የሚሰሩ ፓርቲዎች ስቶርቲንጌ ውስጥ በህብረት ከግማሽ በታች አባላት ካሉዋቸው የአናሳዎች መንግስት ተብለው ይጠራሉ።

ከሌሎች ነገሮች በተጨማሪም የመንግስት ስራ አዳዲስ ህጎችን ማውጣት እና ህጎችን መቀየር ነው። ህጎቹ በስቶርቲንጌ ይወጣሉ። የመንግስት ስራም በስቶርቲንጌ በተላለፉት ውሳኔዎች ተግባር ላይ እንደዋሉ ማረጋገጥ ነው። እንደዚሁም መንግስት የሀገራዊ በጀት እቅድ ያዘጋጃል።

በስቶርቲንጌ ውስጥ የተወከሉ ነገር ግን የመንግስት አባላት ያልሆኑ ፓርቲዎች በተቋሚዎች ፈርጅ ይመደባሉ። የእነሱ አጀንዳ እንዲከበር በመንግስት ላይ ጫና ለማሳደርም ይሞክራሉ።

በአሁኑ ወቅት ኖርዌይ ውስጥ ስላለው መንግስት ተነጋገሩ። የህብረት መንግስት ነው ወይስ የአንድ ፓርቲ መንግስት? የብዙኃን ነው ወይስ የአናሳዎች መንግስት? በመንግስት አስተዳደር የሚገኙ ፓርቲዎች የትኞቹ ናቸው? በሚኒስቲሮች ምን ያህል ሴቶች እና ምን ያህል ወንዶች አሉ? የትኞቹን ሚኒስቲሪዎች ያስተዳድራሉ?

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelendamm.no